الخميس، 17 نوفمبر، 2011

خواطر حول مذكرات ثائرة

 فتاة مصرية تدعى علياء.. ملحدة... فى ال20 من عمرها صورت نفسها عارية فى موضوع بعنوان فن عارى فى مدونتها (مذكرات ثائرة)  و فجأة و فى غضون بضعة أيام أصبحت من أكثر المواضيع إثارة للجدل على الفيس البوك  بعد خبر الدعوة إلى تظاهرات 18 نوفمبر و فيديو المخرف الكبير توفيق عكاشة 13-13-2013 و فيديو الفتاة سميرة إبراهيم التى عذبت من ضباط فى الجيش 
 
والمجتمع ..مندهش.. مذهول من هول الصدمة ...فوجه سهام نقد لاذعة كالمطر و سيول من الشتائم  إليها كما ظهرت أصوات خافتة غير مسموعة تؤيد و تؤكد تأييدها لعلياء و أنها مستعدة لفعل نفس الشئ
و كتبت علياء تعليق تحت صورتها تقول فيه: حاكموا الموديلز العراة الذين عملوا في كلية الفنون الجميلة حتي أوائل السبعينات و اخفوا كتب الفن و كسروا التماثيل العارية الأثرية, ثم اخلعوا ملابسكم و انظروا إلي أنفسكم في المرآة و احرقوا أجسادكم التي تحتقروها لتتخلصوا من عقدكم الجنسية إلي الأبد قبل أن توجهوا لي إهاناتكم العنصرية أو تنكروا حريتي في التعبير
 دعونا نتناول الموضوع بهدوء بدون الشتائم المعتادة  و نحاول تحليل الموضوع لعلنا نستفيد
يبدو أن علياء فعلت ذلك لتدين مجتمع ينظر فيه الناس إلى أجسادهم بإحتقار لدرجة الشعور بعقد جنسية لدرجة تغطتيته كاملا   و لدرجة أن المتطرفين فى المجتمع يطالبون بإخفاء كتب الفن و كسر التماثيل العارية و أن فى النهاية فعلها هذا هو حرية فى التعبير
الحقيقة... إننى أؤمن بحرية الرأى و التعبير.. أؤمن بأن أى إنسان له كامل الحق و الحرية فى الإيمان بأى نوع من الأفكار و التعبير عنها و ضد قمع رأيه  و لكن هذه الحرية يجب أن تكون فى إطار محدد يحكمه المنطقية و عادات و تقاليد المجتمع الذى نعيش فيه ...لست ضد الفنون التى هى غذاء للروح  و لست ضد التماثيل الأثرية التى تعبر عن هويتنا و تاريخنا العظيم مهما كانت هيئتها و أنا طبعا أؤيدها ضد رأى المتطرفين الذى يتحدثون عن تحريم الفنون و تغطية التماثيل الأثرية بالشمع أو تكسيرها
و لكننى أختلف معها فى طريقة التعبير عن هذه الأفكار و بالتأكيد هذه الطريقة لم و لن تنجح فى توصيل فكرتها للمجتمع... طريقة جعلت المجتمع لا يفهم ماذا تقصد و ركز على صورتها العارية فقط لا غير بالإضافة إلى أن حجم الشتائم و الإنتقادات التى وجهت لها لا أعتقد أن ممكن لإنسان أن يتحملها ...صحيح أن الصورة لفتت الإهتمام الكبير بموضوعها و لكن من الواضح أن المعارضين لها أكثر بكثير من مؤيديها...و هذا دليل على فشل الطريقة 
فى رأيى المتواضع أن جسد كل إنسان هو خصوصيته و أسراره لا يجب أن يكشف عنه فى العلن بهذا الشكل  و لا أشعر أن تغطية الجسد هو بالضرورة إحتقار له... خصوصا فى مجتمعاتنا الشرقية ذات الأراء المحافظة لذلك فهو يرى ظواهر مثل ثقافة العراة و ثقافة الإيمو و الشذوذ الجنسى و حتى الماسونية و(العياذ بالله) عبادة الشيطان أمور تفسد المجتمع ذات الطبيعة الخاصة وبالتدريج ممكن أن تتسبب فى ضياع الهوية التى طالما إفتخرنا بها
أخيرا..يجب علينا كمدونين عند الكتابة فى مواضيع حساسة  توخى بعض الحذر فى توصيل وجهة النظر للقارئ حتى لا تضيع كتابتنا و أرائنا التى نريد بها إصلاح المجتمع فى مهب الريح مثلما ضاعت أراء علياء  


الأحد، 25 سبتمبر، 2011

الأخر...

(أقتل أبيك... أقتله) هذا هو الصوت الذى أسمعه منذ عدة أيام.... يتكلم فى عقلى  
كأنه شخص حقيقى ... يهمس فى أذني و لكنى عندما ألتفت يمينا أو يسارا بحثا عنه فطبعا...لا أراه
صوت قبيح ..متحشرج يزعجنى جدا عندما أسمعه و أحيانا يفزعنى عندما أكون مشغولا بشئ ما
أه من هذا الصوت اللعين ..أسمعه أيضا فى كوابيسى ... يضحك بصوت عال بعد قتلى لأبى بعنف شديد
فأستيقظ مصابا بالهلع ...أستغفر الله ثم أشرب كوبا من الماء و أنام مرة أخرى
بالطبع أعلم أن أبى إنسان حقير و سكير و أتذكر المرات العديدة التى ضربنى فيها أنا و أمى و أخوتى
و أعرف أن سمعته سيئة للغاية كما أننى سمعت عن مغامراته مع فتيات الليل فى الكباريهات
لم أكمل تعليمى فى المدرسة بسببه و عملت فى سن مبكرة حتى أسدد ديون هذا القذر
نعم... عشت حياة بائسة بسببه ... لم أكن فى قائمة إهتماماته أبدأ!!!!!!! و لكنى لست بقاتل... لست شريرا مثله!!!
بينما كنت أفكر فى هذه الأحلام.. جاء الصوت اللعين مرة أخرى
هذه المرة قال شيئا مختلفا
أنظر بجوارك!!!
نظرت بجوارى و فجأة رأيته!!!!!
صاحب الصوت
إنه يشبهنى تماما!!!!!
قمت من مكانى من هول الخوف
وجدت نفسى أقول : أعوذ بالله من الشيطان الرجيم... أعوذ بالله من الشيطان الرجيم
بدا عليه الإنزعاج الشديد بعد قولى هذا و لكنه حاول التماسك
قلت له من.. من.. من.. من أنت؟؟؟؟ ماذا تريد؟؟؟؟؟
قال شكلى هو شكلك , وجهى هو وجهك
أنا الأخر الكامن فيك... أنا عقلك الباطن
أنا ... هو أنت يا أحمق!!!!
لماذا لا تريد قتل هذا الوغد؟؟؟؟؟
أليس هذا هو الرجل الذى تكرهه و تمقته؟؟؟؟
أليس هذا  هو الرجل الذى حول حياتك إلى جحيم؟؟؟؟؟
أليس هذا هو الرجل الذى قضى على أحلامك منذ الصغر؟؟؟
أيها الجبان الرعديد ..أسمع... هذه أول و أخر مرة أظهر لك فيها
و أخر مرة ستسمع فيها صوتى ....

أقتله و أرح عائلتك من شروره
أنتقم لك و لهم من سنين العذاب و الهوان
كن رجلا... و أفعل الصواب
كن رجلا.. و أفعل الصواب
.....و أختفى صاحب الصوت.... تاركا لى سكينا على الأرض
وجدت نفسى أمسك بالسكين .... وقفت أمام المرآة أشاهد وجهى
إبتسامة شريرة و نظرات غضب!!! 

الأربعاء، 14 سبتمبر، 2011

عمود الفضفضة .... الجزء الخامس

لوسمحتى....
إنتى فاضية؟؟؟؟
ممكن أتكلم معاكى ؟؟؟
مممم...مش عارف أبدأ إزاى!!!
شوفى
فى حاجات كتير عاجبانى فيكى
إنك جميلة و محترمة
إنك مؤدبة و مش مزيفة
على طبيعتك مش  بتحبى تمثلى
حاسس إن فى حاجات كتير بينا مشتركة
..........
بحب أتكلم معاكى....جدا
بحب أحكيلك  و أشتيكليك
بحب عينيكى و حجابك
حتى إبتسامتك
بفرح لما بشوفك و لما تبعدى...
بتوحشينى  فدايما بفكر فيكى
..........
أيوه  بحبك
و عايزك  تجاوبينى
بتحبينى........ زى ما  بحبك؟؟؟؟؟؟؟
الشارد - 2010

عمود الفضفضة.... الجزء الرابع (شعبك فى يوم هيقوم)

مكتئب جدا اليومين دول
خصوصا لو فكرت فى حال بلدنا
بجد عندى حالة قرف
أبدأ بإيه و لا بإيه؟؟؟؟؟
مشاكل وإهمال فى كل حاجة
فسااااااد فى كل شئ
فى الوزارات
حتى فى المحليات و النقابات
خصخصة غبية من غير حساب
ناس كتير معدمه
إنتخابات مزورة
ديمقراطية مزيفة
مستشفيات غير أدميه
تعليم متخلف
شباب يائس وتايه
معندوش أمل
شويه منهم بيموت فى شواطئ ايطاليا
و شويه منهم سياسيا مش عارف هو إيه؟
إشتراكى و لا ليبرالى؟؟؟ولا إيه؟؟؟
و شويه منهم حشاشين
و المعارضة و الأحزاب للأسف ....متكتفين
مش قادرين يعملوا حاجة

بتقولللى كفاية كده يا عم؟؟؟؟لاااااا  لسه فيه حاجات كتييييير
السرقة عينى عينك
مفيش شرف و أمانه
مفيش عزة و كرامة
حتى الشارع...بقى شكله وحش
الكذب و النفاق فى كل مكان
أسعار بتولع زى النار
و فى التطرف و التخلف
اللى  مش بيخلونا بنتقبل ديانات بعض
أو حتى أفكار و أراء تساعدنا

و عملتوا إيه يا عرب لفلسطين و الأقصى؟؟؟؟
ولا حاجة
إسرائيل بتديكو بال......
و أمريكا برضو على فكرة
حتى إيران خايفين منها

طيب..... و بعد كل الإحباط و النكد ده
نعمل إيه؟؟؟؟
رأيى
نقدر نعمل حاجات كتير
نقدر نتكلم
و منبقاش سلبيين
الناس تقدر تعبر عن رأيها و تقول لأ
إحنا لازم نتغير
تقول إن إحنا مصريين
إحنا من أعرق شعوب العالم
إحنا فراعنه إحنا حضارة
إحنا خير أجناد الأرض
يعنى نستحق حياه أحسن من كده نعيشها
الحل
أنك تصحى يا مصرى و تاخد حقك
و متستخفش بنفسك و لا بشعبك
لأن بالرغم من كل الظروف
شعبك فى يوم هيقوم
هيجى فى يوم...و  هيقوم
الشارد- 2010

عمود الفضفضة... الجزء الثالث

حبيبتى ...... 
الكلام اللى هقوله النهارده 
مش كلام و نصايح و بتنجان 
دى حاجات نفسى أقولهالك 
بس عمرى ما هعرف أقولها قدامك
فهقولها هنا و أمرى لله
بالرغم من ارتباطك
بالرغم من المستحيل الموجود مبينا 
بالرغم من أننا ساعات بنفض لبعض 
بس لسه بحبك 
أنا مش أنانى 
أنا مش بطالبك انك تفركشى معاه 
ولا بطالبك بأنك تحبينى 
بس أنا بطالبك بحاجة واحدة بس 
أنك تبقى سعيدة معاه 
و نقطة أخيرة 
ياريت نتعامل عادى زى الأول 
و نبقى فعلا أصحاب زى ما قولتيلى 
لما أعترفتلك بحبى ليكى 
و لو مش قادرة كونتى تقولى 
و لا هو كلام و خلاص؟؟؟؟
مع حبى....الشارد-2009

عمود الفضفضة... الجزء الثانى (مع الاعتذار...يا مى)

ساعات  كتير بنعمل حاجات غلط
بس سألت نفسى
احنا ليه بنغلط؟
و لقيت ان احنا
بنغلط علشان بشر
بنغلط علشان نتعلم
و أول خطوة انك تصلح من نفسك
انك تعترف بخطأك و تعتذر
أنا هبدأ أعترف و أعتذر
مى ....أنا أسف
ضحكت عليكى فى وقت كنتى محتاجة فيه لحد
مى ...أنا أسف
أنا كنت بتسلى بيكى على النت
مى ...أنا أسف
كنت مريض نفسيا
عوزت أعيش دور الشاب الشبيح
اللى بيضحك على بنات و كده
مع انى أصلا مش كده
و المفاجأة و اللى هيضحكك
البنات هى اللى بتضحك عليا
مى ...لو هاعتذرلك ألف مرة
عارف انك مش هتسامحنى
عارف انك  مش هتشوفى اللى كتبته
بس أنا اتعلمت يا مى
اتعلمت أد ايه جرح مشاعر الناس حاجة حقيرة
لأنى اتجرحت زيك
مى ....ربنا ادالك حقك
و أنا أستاهل
-الشارد- 2009

عمود الفضفضة ... الجزء الأول

فى حياة كل واحد فينا
لازم هنقابل صدمات
و اسوأ الصدمات اللى ممكن تقابلك فى حياتك
صدمتك فى شخص تعرفه حبيته أو قريب منك
الشخص ده ممكن يكون حد من أهلك
أبوك أمك أخوك أختك
و مش عارف تتواصل معاه
ممكن يكون قريبك اللى منفسن منك لله فى لله
أو بيغير منك لأنه معقد نفسيا
لأنه مش بيحمد ربنا على اللى هو فيه
ممكن يكون صاحبك اللى وثقت فيه
و فى لحظة أعتبرك عدوه و فضح أسرارك اللى قولتهاله
و ممكن تكون حبيبتك اللى كنت فاكرها ملاك
ده طبعا قبل ما ترتبط بيها
و طلعت مجنونة أو مخها صغير أو معقدة نفسيا
بعد الأرتباط أو الخطوبة أو الجواز
عزيزى القارىء
الانسان ماتخلقش ملاك
كل واحد فينا فيه الكويس و الوحش
فيه الأبيض و الأسود
و النصيحة الوحيدة اللى هقدر أديهالك
أختار الناس اللى تتعامل معاها يكون الأسود اللى فبهم
أقل بكتيييييير من قلبهم الأبيض
أما مع أهلك ...
فلو لقيت الحل ...أرجوك متنسانيش ...و تقولى
-الشارد- 2009

الأربعاء، 6 يوليو، 2011

العيسوى بيه

الأمن... شئ طبيعى بيحتاجه أى إنسان فى الدنيا زيه زي الأكل و الشرب و السكن .. للأسف بعد ثورة 25 يناير المجيدة حدث ما يسمى بالإنفلات الأمنى و ده وضع عادى و طبيعى بعد الثورات الكبرى زى ثورتنا وبعد نجاح الثورة و تولى عصام شرف رئاسة الوزراة و منصور العيسوى لوزارة الداخلية سألت نفسى سؤال
:: عملت إيه وزرارة الداخلية لحل مشكلة الإنفلات الأمنى ؟؟؟؟
الإجابة و بكل صراحة تحسن طفيف فى تواجد الشرطة فى الشارع و لكن الحكومة نسيت إن حل المشكلة الأمنية يبدأ أصلا بتطهير جهاز الشرطة و تغيير عقليتها فى التعامل مع المواطنين ...تطهير جهاز الداخلية يبدأ بوقف كل الضباط المتهمين بإصابة أو قتل المتظاهرين أيام الثورة عن العمل لحد ما تخلص المحاكمات و طبعا لازم يكون فى لتسريع فى المحاكمات مش إبطائها لأن ده إستفزاز لمشاعر أهالى الشهداء  و طبعا توافر الإرادة السياسية و البوليسية للقبض على البلطجية و بما إننا فى ثورة فأُقترح على الداخلية عدد كبير من الحلول الإستثنائية لحل المشكلة دى منها مثلا إن طلبة الحقوق العاطلين يتم إدخالهم السلك البوليسى عن طريق إعطائهم العلوم الشرطية اللازمة و إرجاع الضباط الشرفاء اللى إستقالوا أو على المعاش دلوقتى للعمل و الإعتماد بطريقة ما على اللجان الشعبية بحيث إنها تساعد الشرطة حتى تستعيد عافيتها  و بعد كل الحلول اللى إحنا سمعناها من البرامج سألت نفسى سؤال تانى
:: ليه العيسوى بيه مش راضى يسمع للحلول دى؟؟؟؟؟
أعتقد إن الموضوع له علاقة بنشفان الدماغ أى كلمة أحمد مكى المشهورة فى فيلم طير إنت (أنا صح)!!!! 
العيسوى بيه نسى أو يتناسى إن فى ثورة حصلت و إن الثوار عمرهم ما هيقبلوا إن الداخلية ترجع بنسختها القديمة مرة تانية .. الوزير الحق اللى عايز يحل المشكلة لازم يحسس الشعب أولا إنه مع الثورة و ثانيا إنه يعمل إصلاحات ثورية فى الشرطة .. و لو معملش كده الشعب بيحس إن أخطر ثورة مضادة موجودة مش فى المحليات و لا من فلول الحزب الوطنى المنحل بل هى الضباط الفاسدين من داخل جهاز الشرطة و كل ده بسبب تقاعس البيه الوزير
فى النهاية أطالب بإقاله وزير الداخلية و مش مهم إنه يكون شرطى أو عسكرى و حتى مدنى..  المهم إنه يعمل إصلاحات فى الشرطة علشان نحس فعلا إننا عملنا ثورة
(مشاركتى فى إيفينت يوم التدوين و الزقزقة عن العيسوى بيه)


الاثنين، 7 فبراير، 2011

مبارك مش أبويا

مبارك مش أبويا...أنا إسمى رامى محمد توفيق و هو إسمه محمد حسنى مبارك
مبارك مش أبويا...لأنه ظلمنا 30 سنة و لسه متمسك بالكرسى
مبارك مش أبويا....هو اللى سمح للفساد إنه يتوحش فى مصر
مبارك مش أبويا....لأن يوم ما الشعب عارضه قتل أكتر من 300 شهيد
مبارك مش أبويا....مصر فى عهده بقت دلدوله لإسرائيل و أمريكا
مبارك مش أبويا...ده صدر الغاز لإسرائيل
مبارك مش أبويا...لأنه دايما بيذلنا علشان عمل الضربة الجوية الأولى
مبارك مش أبويا...بسببه كلاب الداخلية بقت تذل فى الناس
مبارك مش أبويا...لأنه مش بيحترمنى كمواطن
فى النهاية...هو شخص أنانى مصاب بجنون العظمة و بيساعده فى كده كلاب النظام اللى بينفخوا فيه كل يوم...مبارك مش أبويا يعنى إرحل غور إمشى و خلينا نعيش

إهداء إلى ثورة الغضب المصرية 2011



الجمعة، 21 يناير، 2011

الحياة

إن الحياة طريق طويل نمضى فيه من المهد إلى اللحد فهى مثلها مثل أى طريق أحيانا تمشى فيه بسهوله و أحيانا تعانى من معوقاته!!!
و لو وقعت ترى أناس يساعدونك و أخرين يتخلوا عنك بكل سهولة ...هى كشارع مزدحم ملئ بالوجوه منها الحقيقية و منها من يرتدى قناعا
حياتنا مليئة بالتناقضات فنرى الفقر و الغنى. الطيبة و الشر.. الشجاعة و الجبن .. اليأس و عدم اليأس إلخ من الصفات
 نلتقى فيها بأشكال و ألوان من البشر  مختلفين فى أشكالهم و طباعهم و حتى ألوانهم  وكل واحد منهم يمنحه الله قدرة أو موهبة معينة
و إذا لم ينعم الله عليه بأى موهبة  فيعطيه ربى صفات جميلة يحبه بسببها كل الناس
و فى منتصف الطريق تجدها.... فتاة الأحلام و أحيانا تكون فتاة الكوابيس التى ستتزوجك طوال عمرك فتكرهها أو تحبها
أما القدر فهو كحالة الجو المصاحبة للطريق جيدة أو سيئة تحدث للمرء فجأة بدون معرفتها بنشرة جوية  و طبعا يكون غير مستعد لها
و فى نهاية الطريق ستصل لقبرك و لن يتبق لك فى الدنيا سوى أعمالك الصالحة و ما علمته للأبناء و الأحفاد أما قبرك فهو النقطة الفاصلة
 بين حياة الدنيا و الأخرة للإنتقال الى العالم الأخر ... عالم العدل المطلق