الأربعاء، 14 سبتمبر، 2011

عمود الفضفضة ... الجزء الأول

فى حياة كل واحد فينا
لازم هنقابل صدمات
و اسوأ الصدمات اللى ممكن تقابلك فى حياتك
صدمتك فى شخص تعرفه حبيته أو قريب منك
الشخص ده ممكن يكون حد من أهلك
أبوك أمك أخوك أختك
و مش عارف تتواصل معاه
ممكن يكون قريبك اللى منفسن منك لله فى لله
أو بيغير منك لأنه معقد نفسيا
لأنه مش بيحمد ربنا على اللى هو فيه
ممكن يكون صاحبك اللى وثقت فيه
و فى لحظة أعتبرك عدوه و فضح أسرارك اللى قولتهاله
و ممكن تكون حبيبتك اللى كنت فاكرها ملاك
ده طبعا قبل ما ترتبط بيها
و طلعت مجنونة أو مخها صغير أو معقدة نفسيا
بعد الأرتباط أو الخطوبة أو الجواز
عزيزى القارىء
الانسان ماتخلقش ملاك
كل واحد فينا فيه الكويس و الوحش
فيه الأبيض و الأسود
و النصيحة الوحيدة اللى هقدر أديهالك
أختار الناس اللى تتعامل معاها يكون الأسود اللى فبهم
أقل بكتيييييير من قلبهم الأبيض
أما مع أهلك ...
فلو لقيت الحل ...أرجوك متنسانيش ...و تقولى
-الشارد- 2009

ليست هناك تعليقات:

إرسال تعليق